კომაროვის სკოლას, ჩვენი კურსდამთავრებული და სტენფორდის უნივერსიტეტის პირველი ქართველი დოქტორი დავით ცირეკიძე ესტუმრა.

დავითმა წარმატების შესახებ ძალიან ინსპირაციული საჯარო ლექცია ჩაატარა. მან კომაროველებს წარმატებისკენ მიმავალ გზაზე ესაუბრა, რომელიც არც ისე ადვილი იყო. ის ფიქრობს, რომ ყველას შეუძლია მიაღწიოს სასურველ მიზანს, მთა­ვა­რია მიზ­ნის და­სახ­ვა და არ­სე­ბუ­ლი შე­საძ­ლებ­ლო­ბე­ბის მაქ­სი­მა­ლუ­რად ეფექ­ტუ­რად გა­მო­ყე­ნე­ბა შეგვეძლოს.

დავითს არა­ერთი წარ­მა­ტე­ბა აქვს სას­კო­ლო თუ სა­უ­ნი­ვერ­სი­ტე­ტო ოლიმ­პი­ა­დაებში. დაამთავრა თბი­ლი­სის ივა­ნე ჯა­ვა­ხიშ­ვი­ლის სა­ხელ­მწი­ფო უნი­ვერ­სი­ტე­ტის მა­თე­მა­ტი­კის ფა­კულ­ტე­ტი, რომლის დამთავრების პერიოდშიც უკვე აქ­ვეყ­ნებ­და სა­მეც­ნი­ე­რო სტა­ტი­ებ­ს. თუმ­ცა, მისი მი­ზა­ნი მსოფ­ლი­ოს წამ­ყვან უნი­ვერ­სი­ტეტ­ში სწავ­ლა იყო და ყვე­ლა­ფერს აკე­თებ­და ამის­თვის.

დავითი ISET-ის ყვე­ლა­ზე მა­ღა­ლი რე­ი­ტინ­გის მქო­ნე მა­გის­ტრი (VALEDICTORIAN) გახდა და მიიღეს ამერიკის ტოპ უნივერსიტეტებმა: სტენფორ­დის უნივერსიტეტმა, ნიუ იორ­კის უნი­ვერ­სი­ტეტ­მა და კა­ლი­ფორ­ნი­ის ტექ­ნო­ლო­გი­ურ ინ­სტი­ტუ­ტმა. დავითმა არჩევანი სტენფორდზე შეაჩერა, რადგან უნი­ვერ­სი­ტე­ტე­ბის რე­ი­ტინ­გში სტენფორდი მუდ­მი­ვად ხვდე­ბა მსოფ­ლი­ოს სამ სა­უ­კე­თე­სო უნი­ვერ­სი­ტეტს შო­რის.

დავითი 6 წელი სწავლობდა და მუშაობდა სტენ­ფორდში დი­სერ­ტა­ცი­ა­ზე ახლა კი უნივერსიტეტის პირველი ქართველი დოქტორია.

ლექცია განხორციელდა კლუბი KITE-ს (Komarov International Talk for Education) დახმარებით, რომელიც წელსაც აგრძელებს ფუნქციონირებას. კლუბის მიზანია სკოლაში საინტერესო ადამიანების მოწვევა, რომელთა საუბრების მოსმენის საშუალებით სკოლის მოსწავლეები შეძლებენ მათთვის აქამდე უცნობი თემების სწავლას ან ნაცნობი თემების ახლებურად დანახვას. კლუბის ხელმძღვანელები არიან მოსწავლეები, ალექსანდრე ამაღლობელი და არჩილ თოდუა. 

კომაროვის სკოლა ამაყობს და მადლობას უხდის დავითს საინტერესო ლექციისათვის და კლუბ KITE-ს ლექციის ორგანიზებისთვის.